احسان، أول مغربية تمكنت من جمع 11 مليون سنتيم عبر الأنستغرام

تعتبر إحسان الغزواني، الفاعلة الجمعوية البالغة من العمر 20 سنة، من الاستغرامرز المغربيات القلائل اللواتي استخدمن منصة الأنستغرام للأعمال الخيرية، و تمكنت قبل سنة من جمع مبلغ مالي قدره 11 مليون سنتيم لإنقاذ حالة إنسانية في حاجة لعملية جراحية خارج المغرب، لتكون أول مغربية تجمع ذلك المبلغ.

هي طالبة في السنة الثانية إدارة الأعمال، لكن تربيتها مغربية أصيلة، في أسرة تحب فعل الخير، أنساها في إقتصاد السوق، فعملت جاهدة  للمحافظة على فعله من خلال العمل الجمعوي و التواصل مع الناس عبر مختلف وسائل التواصل...

إحسان رمز المبادئ والأخلاق، فهي تتحلى بالأخلاق الحميدة كالصدق، والأمانة، والتواضع...

في الأسفل تجدون حسابها على موقع التواصل أنسغرام:

كريم فاش سولتوا واش عجباتك الكروسة شاف فيا وضحك وعلامات الفرح ترسمات على ملامحوا البريئة بالرغم انه مكيتفاعلش هاكا مع اي واحد، اليوم كنت فقمة سعادتي لانه مرة اخرى وللله الحمد دخلت الفرحة على دار فيها معاناةوألم بفضل ثقتكم وتفاعلكم مع الحالات الانسانية اللي كنشارك معاكم ، كريم حالة انسانية اثرات فيا بشدة خصوصا بعد لقائي معاه اليوم لانه كيعاني بزاف لدرجة كيحبوا باش يمشي لبلاصتو بحال شي طفل صغير ،كريم عندو 32 عام لكن غير فالجسم لانه مكيعرفش يفرق بين المزيان والخايب لدرجة ممكن يضر راسو وممكن يدير اي حاجة وياكل اي حاجة وحتا من الهضرة كيهضر بحال شي طفل كيقول غير اه ولا داكشي علاش ختو كتقابلوا دقيقة بدقيقة ، بغيت نوجه الشكر لخالد وسيمو لانهم كانو سبب باش اليوم كريم ضحك باش ختو حسات انها مهزاش الثقل بحدها اللي واخا خوتها وراجلها تخلاو عليها لانها بغات تقابل كريم الا انها كتعاملوا بكل حب وانسانية ومستحيل تغلا عليه مهما وقع والصراحة مكايناش شي كلمة ممكن توفيها حقها الا انها فعلا ونعم الاخت وفقمة الانسانية واكيد ربي مغيغيبهاش،نهار على نهار مع تعاملي مع حالات بحال كريم كنتأكد ان الصحة تاج فوق ريوسنا لذلك خاسنا نحافظوا عليها، وتفكروا انه دير الخير تلقاته ولو بشي حاجة لي كتبان صغيرة الا انه راه كدير فرحة كبيرة ليك وللطرف الاخر لذلك متحرمش راسك من الفرحة والاجر #إحسان_الغزواني #فاعلة_جمعوية #يلاه_نديروا_الخير_بالقليل_ولا_بالكتير #يلاه_نديروا_الخير #كن_امل_لغيرك #عاون_غيرك_ونشر_خيرك #بغي_الخير #كن_سعادة_لغيرك

Une publication partagée par احسان الغزواني (@ihssane_elghazouani) le 2 Mai 2018 à 2 :28 PDT