السلام عليكم حبيباتي كيفكم اليوم نقترح عليكم وصفة فطائر #الشيار (بوشيار) و فيما يلي المقادير والطريقة :

المقادير

فطائر الشيار ( بوشيار)

* 1 زلافة فينو (سميد رقيق)
* 2 زلايف فورص
* 1 ملعقة كبيرة خميرة الخبز، ما تكونش عامرة بزاف
* شوية الملح حسب الذوق
* الماء الدافئ حسب الحاجة

طريقة التحضير

1. نخلطو الفينو والفورص والخميرة والملح.
2. نزيدو الماء الدافئ بالتدريج ونعجنو وندلكو مزيان حتى نحصلو على عجينة رخوة ومرخوفة بزاف بحال عجينة السفنج.
3. نغطيوها ونخليوها فبلاصة دافئة حتى تخمر ويتضاعف الحجم.
4. ندهنو يدينا بشوية الزيت ونقسمو العجين لكويرات متوسطة.
5. نسخنو المقلاة مزيان.
6. نبسطو كل كويرة باليد، مع الحفاظ على الجوانب غليظين شوية.
7. نحطوها فالمقلاة، ومنين كتبدا تنتفخ وكيبان فيها الفقاعات، نقلبوها.
8. نخليوها حتى تتحمر مزيان من الجهتين.
9. نكملو بنفس الطريقة حتى تسالي العجينة.

السر: ما تخليش العجينة قاصحة؛ كلما كانت رخوة ومرخوفة، كيجي الشيار خفيف وهشيش بحال اللي فالصورة.

#الكوزينة #عالم_المرأة #بوشيار